गजुरी गाउँपालिका शिक्षा, युवा तथा खेलकुद शाखाको आयोजनामा, गाउँपालिका अध्यक्ष श्री गणेशलाल श्रेष्‍ठज्यूको अध्यक्षतामा मिति २०८२ फागुन ११ गते शैक्षिक सत्र २०८१ को कक्षा ५ (स्तरमापन), कक्षा ८ (BEE), कक्षा १० (SEE) र कक्षा १२ (SLC) परीक्षामा उत्कृष्ट नतिजा हासिल गर्ने विद्यार्थी, शिक्षक र विद्यालयलाई सम्मान गर्ने कार्यक्रम सम्पन्‍न भएको छ।

साथै सेवा निवृत्त हुनुभएका गजुरी गाउँपालिका स्वास्थ्य शाखाका प्रमुख श्री सुन्दर कुमार श्रेष्‍ठ र अ.न.मी. श्री सरिता रुपाखेतीले स्वास्थ्य सेवामा पुर्‍याउनुभएको महत्वपूर्ण योगदानको उच्च मूल्यांकन गर्दै कदरपत्र प्रदान गरी सम्मान गरिएको छ।

गजुरी गाउँपालिका, गाउँ सभाको १६ ओैँ अधिवेशन मिति २०८२ असार १० गते मंगलवारका दिन सर्वसहमतिका साथ सम्पन्‍न भएको छ । अधिवेशनको पहिलो बैठकमा गाउँपालिका अध्यक्ष तथा सभा अध्यक्ष श्री गणेशलाल श्रेष्‍ठले आगामी आ.व. २०८२/०८३ को वार्षिक नीति तथा कार्यक्रम प्रस्तुत गर्नुभयो र दोस्रो बैठकमा उपाध्यक्ष श्री शर्मिला बिसुरालले आगामी आ.व. को बजेट, आर्थिक ऐन, विनियोजन ऐन र पञ्‍चवर्षीय आवधिक योजना प्रस्तुत गर्नुभयो ।