गजुरी गाउँपालिकाको आयोजनामा मिति २०८१।०९।०२ गतेदेखि २०८१।०९।०४ गतेसम्म "स्वास्थ्यका लागि खेलकुद, राष्‍ट्रका लागि खेलकुद" भन्‍ने मुल नाराका साथ सञ्‍चालित गजुरी गाउँपालिकास्तरीय चौथो राष्‍ट्रपति रनिङ शिल्ड खेलकुद प्रतियोगिता- २०८१ गजुरी गाउँपालिकाका अध्यक्ष गणेशलाल श्रेष्‍ठज्यूको अध्यक्षतामा प्रमुख अतिथि जिल्ला समन्वय समितिका प्रमुख नवराज अधिकारीज्यू, विशिष्‍ट अतिथि गजुरी गाउँपालिकाका उपाध्यक्ष शर्मिला बिसुरालज्यू लगायतका उपस्थितिमा समापन गरियो । उक्त प्रतियोगितामा १३ स्वर्ण पदक सहित प्रथम स्थान हासिल गर्ने डोलभञ्‍याङ मा.वि. लगातार तीन पटक (दोस्रो, तेस्रो र चौथो राष्‍ट्रपति रनिङ शिल्ड खेलकुद प्रतियोगिता) बिजेता बनेर रनिङ शिल्डको ट्रफी हात पार्न सफल भएको छ । महेन्द्रोदय मा.वि. ५ स्वर्ण सहित द्वितीय र आदर्श मा.वि. ४ स्वर्ण सहित तृतीय स्थान हासिल गर्न सफल भएका छन् । बिजेता एवं सहभागी विद्यालयहरूलाई हार्दिक बधाई तथा शुभकामना । मिति: २०८१।०९।०४ गते बिहीवार ।